| 放埋聽日暑假就要番學啦
呢個暑假係我一生人最長既暑假
由6月頭放到9月 諗翻6月好似已經係好耐之前既事
6月老公未開始放暑假 所以一開始都係陪老公做final year project
寫左人生最多既英文 寫完都唔知自己寫緊d咩 同一個意思不斷重覆
完成個project之後就開始plan去台灣既行程
多數都係去書局睇書同埋上網睇
同老公既第1次出門 仍然好懷念間酒店
張床真係好舒服 仍成為左我地第時買床既指標!
去完旅行 原來就諗住7月番下summer course既
不過翻左第1堂 因為原來唔知佢講咩所以就drop左
而7月我都唔記得左做過d咩 多數都係訓,出街
7月尾就去左澳門2日1夜遊
而呢個旅遊就帶左比我地一個新game-deal
到宜家有時間都會玩!
8月我都係唔記得做左d咩 最記得都係用左3日時間去睇命中
而第2樣野就係玩nds 毒一毒先 宜家我都重玩緊 哈哈...
咁過暑假真係幾車似 不過可能都冇咩咁既機會
下年既暑假應該要讀番個summer course 為自己既前途準備一下
放完呢個暑假 我同老公既身份就有左距離
我真係唔希望呢個分別會影響到我地..
我地要加油加油 嘻嘻=)
|
| |
| 由大陸平安回來 好彩
早上搭40x去接老公放工
可惜等左好耐車 搞到遲左 要係老公係翻巴士站等我..
之後老公翻屋企換衫同食埋野就出門口
搭火車上去lu
哈哈 我第1次唔同屋企人翻大陸
真係好驚...同埋一見到d簡體字就覺得好奇怪
過左關就再搭地鐵去行街
一出路面 我比個細路女捉住我條衫叫我買花
我唔理佢之後佢就再捉住我隻腳
估唔到真係會比我見到
之後去左食3.5蚊5粒既八x魚丸同3蚊既珍珠奶茶
其實都幾驚架 之後去左機鋪玩 用左好多代幣夾左個winnie the poh
而老公就用左2個代幣就夾到 哈哈
d公仔就陪住con係到打機...個情境好搞笑!
打完機就陪mok買褲同去左百佳買奇怪野食!
我買左辣蟹同牛扒百力滋 好正!
每人都買左好多野...
之後去左d21食飯lu 好豪因為係任食
食左好多肉 好飽! 一路睇烈火雄心一路食
睇睇下比佢山左... 飽到想死
食完趕去搭地鐵翻羅湖 聽錯左以為尾班車就開
所以跑去買飛 原來係另一個方向
之後就過翻關 一翻到香港成個人鬆哂
下次再上過
|
| |
| 22個月快樂 =)
只要跟你在一起 已經足夠
|
| |
